Ditën e nesërme opozita ka paralajmëruar një protestë para Kuvendit, ndërkohë që zhvillohet edhe seanca plenare.
Sipas gazetarit Osman Stafa, në protestën e nesërme mund të ketë edhe zemërim të qytetarëve dhe se pritet që tubimi të jetë i ngjashëm me ato që mbahen përpara Bashkisë së Tiranës.
Gazetari Stafa tha se PD po organizohet edhe në rrethe, me qëllim që të zhvillojë një protestë të madhe.
“Nesër përpara Kuvendit opozita pritet të mbledhë shumë qytetarë. PD është organizuar edhe në rrethe, pasi po mobilizohen të bëjnë një protestë, pas investigimit të RAI3. Opozita do zhvillojë nesër dy beteja. Në Kuvend është dërguar një kërkesë për mocion për debat, për lidhjet e qeverisë me krimin, ndërsa jashtë do ketë protestë, që pritet të shikohet nëse do ketë zemërim të qytetarëve.
Në protestë mund të përdoren edhe mjete të ndryshme nga qytetarët, pas akuzave në drejtim të kryeministrit Edi Rama për lidhjet me krimin e organizuar dhe se me këtë formë, ai po qëndron në pushtet prej 11 vitesh. Opozita ka hedhur akuza se me ndërtimet në Tiranë pastrohen paratë. Siç kemi parë në RAI3, Arben Ahmetaj thoshte se i ka parë me sytë e tij takimet e Ramës me kriminelë. PD e Rithemelimit ka njoftuar autoritetet për mbajtjen e protestës”, tha gazetari Stafa.
