Këshilli i BE-së i ka zgjatur mandatin e emisarit evropian për dialogun Kosovë-Serbi, Miroslav Lajçak. Lajmi u bë i ditur zyrtarisht sot nga Këshilli i BE-së përmes një njoftimi në faqen e tyre zyrtare. “Miroslav Lajçakut, përfaqësuesit special të BE-së për dialogun Kosovë-Serbi dhe për çështje tjera rajonale të Ballkanit Perëndimor, i është vazhduar mandati deri më 31 janar, 2025”, thuhet në vendim. Emërimi fillestar u bë më 2 prill 2020. Më herët, Lajçak ishte nominuar nga shefi i diplomacisë evropiane në largim Josep Borrell, për ambasador të Bashkimit Evropian në Zvicër. Pas përfundimit të mandatit, Bashkimi Europian ia kishte zgjatur mandatin edhe pas 1 prillit 2021, për 18 muaj. Por, kjo nuk kishte qenë zgjatja e fundit e mandatit.
Sllovakut, më 18 korrik, Unioni ia kishte besuar edhe një herë – me shumë gjasë e fundit – detyrën (24 muaj) në krye të negociatave për të arritur një marrëveshje kompromisi mes dy vendeve ballkanike që assesi të merren vesh. Gjatë kohës kur Miroslav Lajçak ka negociuar procesin e dialogut nuk është bërë ndonjë progres domethënës, madje situata mes Kosovës dhe Serbisë ka qenë tejet e tensionuar. Po ashtu, ka pasur kritika – sidomos nga zyrtarët kosovarë – se ndërmjetësuesi Lajçak “po mban anën” e Serbisë. Arritja më e madhe e sllovakut, në detyrën që Unioni ia kishte besuar, është Marrëveshja Bazike (Bruksel, më 27 shkurt, Ohër, 18 mars). Pajtimi i Kryeministrit të Kosovës, Albin Kurti, e presidentit serb, Aleksandër Vuçiç, me ndërmjetësimin e Lajçak-ut, dhe shefit të tij, Josep Borrell, për atë që tani njihet si Marrëveshja Bazike, përmbante 11 nene, përmes të cilave Bashkimi Evropian dhe SHBA, besonin se kanë gjetur zgjidhjen përpara.
VAZHDO TË LEXOSH MË TEPËR PËR TEMËN
“Jo dialog, por marrëveshje përfundimtare Kosovë-Serbi”
“Dialogu, i lehtësuar nga BE-ja garanton të ardhme evropiane”
‘Avancimi i Kosovës në rrugën evropiane, vetëm përmes BE-së’
