Braçe, kundër listave të mbyllura në zgjedhje

Në një prononcim të shkurtër për gazetarët para derës së Kuvendit, teksa po futej në seancën, deputeti socialist Erion Braçe ka komentuar paktin dhe dakordësinë e arritur dje mes PS dhe PD lidhur Kodin Zgjedhor.

Braçe u shpreh se vetë ai është kundër listës së mbyllur, por shtoi se do ta votojë pasi sipas tij është çështje vullneti politik.

“Mazhoritar drejtpërdrejtë me një zonë elektorale do doja. Është çështje vullneti politik dhe duhet të bindesh. Por nëse më pyesni unë jam për mazhoritar të pastër. Unë kështu kam dalë deputet”, tha ai.