20.07.2024 - 11:00
Sezoni turistik dhe pushimet verore kanë shtuar fluksin e emigrantëve në Portin e Durrësit.
Në port mëngjesin e sotëm kanë mbërritur 2 tragete të linjës Bari-Durrës, edhe trageti i linjës Ankona-Durrës.
Në orët e mbrëmjes pritet të vijnë edhe 2 tragete të tjerë nga Bari. Sakaq, në funksion janë 28 sportele për të përballuar fluksin e udhëtarëve, 18 për automjetet dhe 10 për udhëtarët.
Në total deri tani kanë mbërritur 3760 udhëtarë dhe 976 automjete. Priten edhe 3 mijë pasagjerë me tragetet e mbrëmjes. Kjo është konsideruar deri tani edhe si dita më e ngarkuar e korrikut.
