Analisti Skënder Minxhozi thotë se hetimet për çështjen e “21 Janarit” u pengua nga qeveria e kohës, kur kryeministër ishte Sali Berisha.
Në një intervistë për një emision televiziv, Minxhozi u shpreh se në 21 Janar, u kryen vrasjet politike shtetërore, më të rënda gjatë tranzicionit në vend.
“Problemi i 21 Janarit, siç të gjithë e dinë tashmë, ka të bëjë me vrasjen politike shtetërore, më të rëndë të trazicionit në Shqipëri. Është një ngjarje e cila ka përfshirë katet më të larta të shtetit të kohës, ishte ngjarje që nxorri nga vetja shtetin.Kush i kujton ato orë dramatike, tragjike, mban mend fare mirë, sesi pasi qeveria vrau 4 njerëz të paarmatosur, në fund të protestës, qeveria, iu fut me zell ndërtimit të fabulës së një grushti shteti. Tentoi të pengojë prokuroren e përgjithshme të bëjë arrestimet e punonjësve të Gardës. Është një ngjarje e cila ka mbajtur të ndezur skenën politike, me gjithë zellin e shkajshëm të qeverisë së kohës. Është një ngjarje e cila ka parë sesi familjarët kanë qenë mbartësit kryesorë të dëshirës kryesore për të pasur zbardhjen më në fund të kësaj ngjarjeje. Është një ngjarje që tingëllon e paplotë, edhe më flagrante kur shohim sesi drejtësia e re, heton vjedhjet, abuzimet, korrupsionin dhe nuk heton vrasjet”, theksoi ai.
VAZHDO TË LEXOSH MË TEPËR PËR TEMËN
“Ekziston një dosje me prova që ‘i hap punë’ Berishës për “21 janarin””
“21 Janari” në SPAK/ “Filmimet e kamerave të Kryeministrisë ruhen në Kaliforni”
“21 Janari” në SPAK, Artan Hoxha: Krim i pastër shtetëror
