Vlerësimet profesionale thonë se rreth 35 për qind e njerëzve në mbarë botën vuajnë nga pagjumësia dhe shumë përdorin ilaçe farmaceutike për gjumin, të cilat shkaktojnë varësi afatgjatë dhe përfshijnë efekte të shumta anësore.
Niveli i hormonit melatonin, i cili sekretohet në tru nga një gjëndër e vogël sa bizele – gjëndra pineale, është jashtëzakonisht e rëndësishme për të fjetur më lehtë dhe gjumë më të shëndoshë. Është një hormon që truri prodhon gjatë natës. Ndihmon në rregullimin e ritmit cirkadian (“ora e brendshme” 24-orëshe) dhe gjumin.
Ekspozimi ndaj dritës gjatë natës mund të bllokojë prodhimin e melatoninës.
Nivelet e melatoninës mund të rriten në mënyrë natyrale dhe nëpërmjet ushqimeve që përmbajnë aminoacidin triptofan, i cili shndërrohet në melatonin në trup. Në këtë kuptim, ekspertët rekomandojnë bananet, tërshërën, ananasin, elbin, orizin, farat e kungullit, bajamet, arra dhe qershitë.
Hulumtimet tregojnë se melatonin është gjithashtu një shtesë diete shumë e dobishme. Domethënë, mund të ndihmojë në disa kushte, si ndërprerja e fazës gjumë-zgjim, gjumi i brishtë tek fëmijët, ankthi para dhe pas operacionit, etj.
Por melatonina nuk duhet të merret nga personat me epilepsi dhe ata që përdorin antikoagulantë. Melatonina nuk rekomandohet për njerëzit me demencë. Këshillohet gjithashtu konsultimi me një mjek ose farmacist. Efektet anësore mund të përfshijnë dhimbje koke, marramendje dhe agjitacion.
VAZHDO TË LEXOSH MË TEPËR PËR TEMËN
