Kryetari i Lëvizjes “Shqipëria bëhet”, Adriatik Lapaj tha në një emision se do të jetë kandidat për deputet në Tiranë. Lapaj tha se “Shqipëria bëhet” pretendon mandate në të gjitha qarqet e vendit.
“Unë do të kandidoj në qarkun e Tiranës, sepse do udhëheq subjektin në kalanë kryesore të vet. Pretendojmë se do marrim mandat në të gjitha qarqet. Mandati më i lehtë i Shqipëria bëhet ka për të qenë në qarkun e Kukësit. Me një luftë të fortë mandati në Kukës del me 3 mijë e ca vota”.
I pyetur për largimin e disa personazheve nga “Shqipëria bëhet” Lapaj tha: “Kjo është rrugë parimesh, jo rrugë emrash. Di të them me përgjegjësi të plotë që një prej kolegëve, për shkak të angazhimit dhe profesionit, s’ka arritur të mbajë ritmin e gjësë për shkak të ngarkesës. Nëse dikush s’e vazhdon dot për arsye objektive, ka dhjetëra të tjerë që shtohen”.
VAZHDO TË LEXOSH MË TEPËR PËR TEMËN
Adriatik Lapaj prezanton “Shqipëria bëhet”: Të bashkohemi për demokratizimin e vendit
Adriatik Lapaj: Ja kur do të marrim pjesë në zgjedhje
