Ky është momenti kur kreu i Partisë së Lirisë, Ilir Meta është arrestuar nga agjentët e Byrosë Kombëtarë të Hetimit.
Mësohet se Ilir Meta u vu në pranga me urdhër të SPAK, ndërsa ai ishte duke shkuar në selinë e PL-së, ku kishte njoftuar një konferencë për mediat.
Ilir Meta po udhëtonte me makinën personale, kur agjentë të BKH-së të veshur civilë, në bashkëpunim me forcat e policisë, e kanë ndaluar në afërsi të një qendre tregtare pranë Kthesës së Kamzës në Tiranë.
Ende nuk ka një njoftim zyrtarë nga Prokuroria e Posaçme për këtë urdhër-arrest, por kujtojmë që Ilir Meta është thirrur në SPAK për të dhënë shpjegime për një sërë çështjes.
Kreu i PL-së është paraqitur disa herë në Prokurorinë e Posaçme për t’u marrë në pyetje për çështjen CEZ-DIA.
