Shërbimet izraelite njoftuan se rreth 40 persona u plagosën të dielën nga një sulm me dron në qytetin qendror të Binyaminas, me tre prej të plagosurve në gjendje kritike. Grupi militant Hezbollah, me bazë në Liban, mori përgjegjësinë për sulmin, duke e cilësuar atë një nga më të rëndët kundër Izraelit gjatë një viti lufte.
Sipas mediave izraelite, dy dronë u lëshuan nga Libani, dhe ushtria izraelite raportoi se njëri prej tyre u interceptua. Hezbollah deklaroi se sulmi kishte në shënjestër një kamp ushtarak izraelit, si hakmarrje për dy sulme izraelite të enjten në Bejrut, ku humbën jetën 22 persona.
Ky është sulmi i dytë me dron në Izrael brenda dy ditësh. Të shtunën, gjatë festës së Yom Kippurit, një tjetër dron goditi periferinë e Tel Avivit, duke shkaktuar dëme materiale, por pa viktima.
Ndërkohë, Izraeli pritet të përgjigjet ndaj Iranit për një sulm me raketa balistike në fillim të muajit, por mbetet e paqartë kur mund të ndodhë kjo goditje. Irani ka paralajmëruar se do të reagojë ndaj çdo sulmi izraelit.
VAZHDO TË LEXOSH MË TEPËR PËR TEMËN
A e dinte Izraeli se çfarë e priste?
“Kosova t’i përmbushë zotimet e Washingtonit”
A është Afganistani kryeqyteti i perandorisë së re të terrorizimit?
