Bashkimi Evropian sot është në një situatë hibride: shtetet e tij janë në paqe, por lufta trondit fqinjësinë e tij, kërcënimet hibride e ndjekin territorin e tij dhe kriza të tjera të mëdha nga pandemitë deri te efektet e ngrohjes globale kërcënojnë popullsinë e tij. Siç thotë shprehja latine, nëse doni paqe, përgatituni për një luftë. Kjo është arsyeja pse, në një botë gjithnjë e më të paqëndrueshme, BE-ja duhet të forcojë mbrojtjen e saj dhe ne duhet të sigurojmë që të jemi në gjendje të mbrohemi. Kjo nuk do të jetë e mundur pa veprime konkrete dhe vullnet politik, i cili ka munguar prej dekadash në mesin e shteteve anëtare. Megjithatë, duket se gjërat po ndryshojnë.
Alami i Gjermanisë
Forcat e Armatosura Gjermane “po përgatisin kompanitë gjermane ” për t’u përballur me një skenar krize në rast lufte të shkaktuar nga një zgjerim i mundshëm i frontit të luftës në lindje. Rusia nuk përmendet konkretisht, por është e qartë se kërcënimi i vërtetë është Vladimir Putin. Gazeta Frankfurter Allgemeine Zeitung shkroi se zotëronte informacion në lidhje me Planin Operativ Gjerman , një dokument tepër sekret 1000 faqesh. Një ngjarje e parë, e mbajtur nga koloneli Joern Plischke , do të zhvillohej në Dhomën e Tregtisë së Hamburgut. Dokumenti liston të gjitha ndërtesat dhe infrastrukturat që konsiderohen të denja për mbrojtje për qëllime ushtarake. Për më tepër, ai përmban gjithashtu plane të detajuara se si të veprohet në rast mbrojtjeje ose në rast të reagimit me parandalim ndaj një manovre ruse në krahun lindor të NATO-s.
Plani i mbijetesës
Në këtë mënyrë Berlini do të bëhej një qendër e madhe për mijëra ushtarë që do të duhej të transferoheshin në lindje. Si dhe materiale luftarake, ushqime dhe ilaçe. “Gjermania do të bëhej një udhëkryq për mijëra, ndoshta edhe qindra mijëra ushtarë, të cilët do të duhej të transportoheshin, si dhe materiale luftarake, ushqime dhe ilaçe. Përvijohet qartë roli i ekonomisë”, shkruan gazeta. Kompanitë duhet të përgatiten të reagojnë duke u fokusuar, për shembull, në autarkinë , me gjeneratorët me naftë dhe turbinat e tyre me erë, lexojmë ndër këshillat e dhëna nga koloneli Plischk.
Paralajmërimi i vendeve nordike
Lajmi erdhi menjëherë pasi një fletëpalosje informuese me titull: ” Çfarë duhet bërë në rast lufte ” iu dërgua familjeve suedeze. Sipas lajmit të BBC, tre vendet nordike, ua prezantuan qytetarëve të tyre broshurat e “përgatitjes ndaj momenteve të krizës”, të përgatitura për përdorim dixhital dhe fizik. Qeveria në Norvegji u bëri thirrje qytetarëve të jenë të gatshëm kundër “ngjarjeve ekstreme të motit, luftës dhe rreziqeve të tjera”, ndërsa në broshurat e dërguara përfshiu lista të materialeve dhe rezervave ushqimore që duhet të mbahen në shtëpi për t’u përdorur në kohë krize. Qeveria e Finlandës, nga ana tjetër, publikoi në internet rekomandimet për “përgatitje për ngjarje dhe kriza të papritura”. Në pjesën e broshurës dixhitale kushtuar konflikteve ushtarake, u përmend se si do të përgjigjeshin autoritetet e Helsinkit në rast të një sulmi të armatosur. Në vendin tjetër nordik, Suedi, miliona qytetarë filluan të pranojnë broshura që shpjegojnë se si të përgatiteshin për “luftë ose kriza të tjera të papritura”.
Incidenti në Baltik
Ironikisht, në të njëjtën kohë, brenda dy ditësh u dëmtuan dy kabllo nënujore të telekomunikacionit që transmetojnë të dhëna ndërmjet vendeve të rajonit. Aksidenti i parë përfshiu një infrastrukturë që lidh Gjermaninë dhe Finlandën ndërsa i dyti, i cili ndodhi vetëm pak orë më parë, lidh Suedinë dhe Lituaninë . Për të dyja ngjarjet po vijojnë hetimet. ” Ne duhet të sqarojmë arsyet pse dy kabllo nuk funksionojnë në Detin Baltik ,” tha Ministri suedez i Mbrojtjes Civile Carl-Oskar Bohlin . Berlini dhe Helsinki shprehën ” shqetësim të thellë ” për atë që ndodhi dhe gjithashtu hipotezuan hijen e luftës hibride. Me sa duket e avancuar nga Rusia, megjithëse, siç u përmend, aktualisht nuk ka asnjë provë për të konfirmuar ose mohuar këtë tezë.
