Shtëpitë e shkrimtarëve në çdo vend të botës, nuk janë vetëm të shkrimtarëve por edhe të bashkëshorteve të tyre sepse s’mund të ndodhë ndryshe.
Kështu do të jetë edhe Shtëpia Studio e Agollit sepse pa Sadijen, ajo do të ishte pa një pjesë të shpirtit.
Ja se si e kujton vajza e tyre, Elona Agolli, Dritëroin dhe Sadijen.
Pyetje dhe përgjigje me humor , ashtu siç Dritëro rëndom pëlqente …
Gazetari : Grindeni shpesh me gruan ?
Dritëro : Ata që duhen, torturojnë njëri-tjetrin . Ka periudha kur nuk grindem fare, atëherë më pushton një trishtim , pasi më duket sikur nuk e dua më . Kur filloj të grindem , qetësohem dhe them me vete: e dua! I keni parë macet në kohën e dashurisë kur grinden? Kur pushojnë së grinduri u pushon dhe dashuria dhe presin muajin shkurt për të bërë dashuri dhe për t’u grindur pak . Doemos unë nuk them që jeta të kalojë në grindje , vetëm se pa çaste zënkash s’ka dashuri .
Gazetari: Kur jeni zënë për herë të fundit ?
Dritëro : Ja , edhe këto çaste . Unë dua të pi një gotë verë , ajo më thotë : mos pi se do të bësh intervistën… Intervista bëhet më mirë me pak verë. E dëgjoni si ma kthen , me verë , bën budallallëqe dhe marrëzira .
Gazetari : Gruaja juaj ideale përdor parfum apo jo ?
Dritëro : Si nuk përdor ! Ku ka grua pa parfum ! Edhe nëna ime që ishte një fshatarkë , e bënte vetë parfumin prej trëndafilash e barërash me erë . Gruaja është qënie që synon drejt luleve , drejt bukurisë …
VAZHDO TË LEXOSH MË TEPËR PËR TEMËN
Koha i ndau për t’i bashkuar, Dritëroin me Sadijen
Sadija e paralajmëroi fatin e saj, “të jetonte vetëm për Dritëroin”
