SHBA dhe Greqia kanë mbyllur ambasadën e tyre në Kiev, kjo për shkak të frikës nga sulmet ajrore në Ukrainë.
Por për ekspertin e sigurisë Milazim Gashi, duket qartë se lufta mes Rusisë dhe Ukrainës, do të jetë me rigoroze.
I ftuar në një intervistë televizive, Gashi thotë se beteja e Rusisë do të përfundojë me një katastrofë më të madhe.
“Në këndvështrimin e nivelit diplomatik shihet shumë qartë se tani lufta dhe mes Rusisë dhe Ukrainës ka kaluar në një fazë pak më rigoroze, ta quaj në fazën e pestë, në këndvështrimin e sigurisë ku parashihet shumë qartë se beteja e Rusisë do të përfundojë më një katastrofë shumë të madhe.
Kjo për shkak se me mbështetje e SHBA dhe të aleatëve te tij, në veçantë të bllokut të NATO-s, kemi të bëjmë me parapërgatitjet që Rusia do të kalojë ose do të tërheq forcat e veta nga Ukraina, ose do të ketë bombardime te nivelit te paparashikuar.”
Për ekspertin e sigurisë, mbylla e ambasadave, do të thotë parapërgatitje përfundimtare drejt përfundimit të luftës Rusi-Ukrainë.
“Ne e dimë shumë mirë se largimi i ambasadës së SHBA nga ajo pjesë dhe ambasadat e tjera paraqet shkallën e fundit te vetëdijes ndaj Rusisë se e dimë se SHBA nuk fal në këtë veprim për shkak se aty kemi, sipas një kalkulimi amerikan, diku rreth 300-400 mijë vrasje në aspektin ushtarak pa anashkaluar atë civil.
Andaj po shihet shumë qartë se Rusia do të marrë goditjen e fundit nga aleatët e Ukrainës andaj edhe tërheqja e ambasade amerikan nga aty është parapërgatitje përfundimtare që njëherë e përgjithmonë të përfundojë ky konflikt mes Rusisë dhe Ukrainës.”
