Pasojat për Ukrainën me presidencën e dytë të Trump, ka të ngjarë të jenë të vështira, në një kohë kur Rusia po përparon në fushën e betejës me ritmin më të shpejtë që nga viti 2022.
Pa ndihmën ushtarake të SHBA-së, Ukraina do të humbasë më tej terren në rajonin e Donetskut, skenën e luftimeve të ashpra që nga pushtimi i plotë i Vladimir Putin gati tre vjet më parë, si dhe në shumë zona të tjera të vijës së frontit, shkruan The Guardian.
Trump dikur u mburr se mund t’i jepte fund luftës dhjetëvjeçare ruso-ukrainase në “24 orë”. Zëvendëspresidenti i tij i ardhshëm, JD Vance, është një skeptik i hapur i Kievit, i cili ka thënë se “nuk i intereson vërtet se çfarë ndodh me Ukrainën”.
Ndihmësit e Trump kanë skicuar më parë një marrëveshje paqeje të mundshme, e cila do të përfshinte dhënien e rajoneve lindore të Ukrainës Rusisë, me vijën e frontit ekzistues të ngrirë, si dhe Krimenë, të konfiskuar në vitin 2014. Rusia kontrollon rreth 20% të territorit të Ukrainës.
Në një intervistë me The Guardian në maj, Zelenskyy e bëri të qartë se formula ishte e papranueshme.
Zelenskyy pranoi se një Trump i rizgjedhur, nëse dëshironte, mund t’i impononte një disfatë ushtarake vendit të tij. “Ukraina, duarzbathur, pa armë, nuk do të jetë në gjendje të luftojë një ushtri shumëmilionëshe ruse,” pranoi ai.
VAZHDO TË LEXOSH MË TEPËR PËR TEMËN
