Laburistët në pushtet në Britaninë e Madhe do të publikojnë në ditët në vijim planin e tyre për të trajtuar migracionin, pasi numri i njerëzve që kanë kaluar Kanalin ka arritur një moment të ri historik.
Sky Neës raporton se mëngjesin e kësaj të diele dy varka të vogla u kapën në Kanal me dhjetëra emigrantë në bord, duke e çuar numrin e kalimeve që nga korriku në më shumë se 20,000. Këto janë kalimet e para që nga 16 nëntori.
Përpara kësaj date, 19,988 kalime ishin regjistruar që kur laburistët fituan zgjedhjet më 4 korrik.
Totali për vitin, pa përfshirë natën e kaluar, sipas shifrave zyrtare është 33.562 emigrantë.
Ministri i qeverisë Pat McFadden i tha Sky se Mbretëria e Bashkuar “do të ketë gjithmonë nevojë për migrim”, por kjo duhet të balancohet me trajnimin e fuqisë punëtore britanike, në mënyrë që “të mos jenë të varur nga migrimi”.
Ai tha se laburistët do të publikojnë një plan këtë javë që vjen për të reduktuar migrimin legal dhe ilegal.
VAZHDO TË LEXOSH MË TEPËR PËR TEMËN
“Shqipëria, një shtet i dështuar që drejtohet nga një qeveri e korruptuar”
“Mos udhëtoni drejt Britanisë”/ 15-vjeçari rikthehet në Shqipëri pas 5 muajsh qëndrimi
