31.08.2018 - 09:50
Një lëkundje sizmike me magnitudë 5.1 të shkallës Rihter ka tronditur Greqinë mëngjesin e kësaj të premteje, rreth orës 09:12 minuta.
Lëkundje janë ndjerë edhe në Shqipëri.
Tërmeti ka pasur epiqendrën në një zonë pranë kufirit me Shqipërinë, në Trikala, dhe është ndierë deri në Athinë.
Thellësia e tij ka qenë 10 km nëntokë.
Zona e Korçës dhe ajo e Fierit mësohet se ka ndjerë edhe më fort lëkundjet e tërmetit.
Sic shkruan “Kathimerini“, që citon burime nga Instituti i Sizmiologjisë, “një tërmet i fortë 5.1 i shkallës Rihter ka rënë sot në zonën e Trikala, 240 km në veriperëndim të Athinës”.
Përgatiti M.H
