Të apasionuarit e garave me motora nga nesër do të kenë mundësinë të shijojnë duelet në Moto GP. Nesër starton kampionati, me garën e parë në Katar.
Piloti spanjoll i Yamaha, Maverick Vinales, ka siguruar “pole position” sot në mbrëmje në pistën e Losail. Provat zyrtare u zhvilluan nën dritën artificiale, aty ku Vinales ishte më i shpejti në pistë.
Spanjolli ndali kronometrin në 1’53”546, duke lënë pas italianin e Ducati, Andrea Dovizioso. Ndërsa i treti u klasifikua spanjolli i Honda, Marc Marquez, kampioni i botës në fuqi.
Top Gun is top dog at Losail! @mvkoficial12 grabs pole position for the opening race of 2019 ahead of @AndreaDovizioso and @marcmarquez93! ?#QatarGP ?? pic.twitter.com/hnj0f7JFIs
— MotoGP™ ?? (@MotoGP) March 9, 2019
Kjo treshe do të formojë nesër vijën e parë të startit (ora 18:00), por ajo që bie në sy është se bëhet fjalë për 3 pilotë që pilotojnë 3 motorë të ndryshëm. Çka pritet ta bëjë mjaft interesante garën.
Ata që zhgënjyen në provat e sotme zyrtare ishin Valentino Rossi dhe Jorge Lorenzo. Italiani që piloton motorin Yamaha do ta nisë garën e nesërme nga vendi i 14-të, ndërsa spanjolli me Honda do të jetë i 15-ti në start, shumë larg më të mirëve.
