Në Zvicër, sipas një sonazhi më të fundit të industrisë, një në dy shoferë të autobusëve vuan nga simptomat e stresit.
Ankesat kryesore të shoferëve përfshijnë çiklistët, shoferët e pakujdesshëm dhe udhëtarët e pasjellshëm dhe të dyshimtë, sipas sondazhit të kryer nga sindikatat e punëtorëve të transportit SEV.
“Respektimi i shoferëve të autobusëve është zhdukur krejtësisht në vitet e fundit”, tha një shofer i autobusit për javoren zvicerane, SonnntagsZeitung, i cili përmendi çiklizmin si një problem të veçantë.
Në të vërtetë, rreth 70 për qind e shoferëve të autobusëve thanë se çiklistët nuk u binden rregullave të rrugës dhe e bëjnë punën më të vështirë.
Ndërkohë, teknologjitë që lejojnë që autobusët të gjurmohen në kohë reale po shkaktojnë stres te shoferët që luftojnë për të siguruar që shërbimet e tyre të mos zgjasin deri vonë.
Rreth 500 shoferë të autobusëve iu përgjigjën studimit SEV. Të pyetur për arsyet e tyre për të vizituar një mjek dhe nëse ata kishin bërë këtë, ata përmendën simptomat e lodhjes, ankthit dhe nervozizmit.
Sondazhi gjithashtu zbuloi se një e treta e të gjithë shoferëve kishin shkuar për të punuar “pa qenë në gjendje krejt të aftë”, një rezultat i sekretarit të SEV, Christian Fankhauser, e përshkroi si “alarmante”.
