10.03.2019 - 19:20
Një aksident me pasojë vdekjen e një të riu, ka ndodhur pasditen e sotme, në aksin Maqellarë- Peshkopi.
Burimet nga Policia shprehen se në aksident janë përfshirë një automjet dhe një motor.
Të njëjtat burime bëjnë me dije se nga përplasja ka humbur jetën drejtuesi i motorit, një 34 vjeçar, identiteti i të cilit ende nuk dihet.
Ende nuk dihen shkaqet e aksidentit.
Policia dhe grupi hetimor ndodhen në vendin e ngjarjes ku po hetojnë rrethanat e mundshme të aksidentit.
Sipas të dhënave të përditësuara, ka shkuar në 2 numri i viktimave të aksidentit.
Veç drejtuesit të mjetit, mësohet të ketë ndërruar jetë edhe bashkëshortja e tij me të cilën po udhëtonte.
