Andrea Dovizioso me Ducati ka triumfuar në garën e parë të kampionatit të Moto GP, zhvilluar në pistën e Losail në Katar, duke mposhtur kampionin e botës Marc Marquez.
Në kthesat e fundit dueli ishte i gjithi mes Doviziosos dhe Marquez, me spanjollin që provoi të pamundurën për të marrë fitoren e parë sezonale, por në kthesën e fundit, në momentin e parakalimit kampioni i botës në fuqi, gaboi trajektoren.
Dovizioso fitoi në fund me fotofinish. Ndërkaq, në vendin e tretë u klasifikua Carl Crutchlow me Honda..
Mund të konsiderohet një paraqitje e mirë edhe ajo e legjendës së Moto GP, Valentino Rosi i cili edhe pse u nis nga pozicioni i 14, pas një paraqitje jo të mirë në provat zyrtare, arriti ta përfundonte cirkuitin në vendin e pestë.
Në këtë mënyrë, mbyllet në një mënyrë spektakolare gara e parë sezonale e Moto GP, teksa edhe në këtë sezon duket se Marquez dhe Dovizioso shfaqen si protagonistët kryesorë për triumfin final.
