Një tjetër projekt i rëndësishëm energjetik siç është dhënia me koncesion i termocentralit të Vlorës është pezulluar pas një vendimi të ministres Balluku .
Kjo evidentohet në të dhënat e publikuara prej agjensisë së prokurimeve publike, ndërsa tenderi do të duhej të zhvillohej në datën 10 mars.
Përfundimi i gazsjellësit TAP u pa si një mundësi e mirë për vënien në punë të këtij projekti i cili është ndërtuar që në vitin 2011 por nuk është vënë asnjëherë në punë për shkak të kostos së lartë.
TEC Vlora u vizitua në terren nga 27 kompani rreth 2 muaj më parë të cilat shprehën interes për këtë projekt.
Ministrja Balluku, duket se po kalon në sitë të gjitha HEC, që mund të sjellin dëme në mjedis, ose nuk plotësojnë kushtet e kërkuara.
Pas pezullimit të TEC-eve në Korçë dhe në kanionet e Holtës, është pezulluar edhe ai i Vlorës.
Termocentrali i Vlorës synohej të jepej me koncesion për një periudhë 20-vjeçare me vlerë investimi prej 58 milionë eurosh.
Ministria e Infrastrukturës dhe Energjisë e drejtuar nga Damian Gjiknuri synonte të implementonte projektin e rehabilitimit dhe të operimit të Termocentralit të Vlorës, duke përfshirë një degëzim të tubacionit të gazit Fier-Vlorë.
