Kampionati i Formula 1 për këtë vit ka nisur me surpriza. Në garën e parë , në Australi, ka triumfuar piloti i Mercedes, Valtteri Bottas.
Finlandezi parakaloi shokun e tij të skuadërs Lewis Hamilton që në start, pozicione të cilat pilotët i ruajtën deri në fund. Në podium u ngjit edhe Max Verstappen me Red Bull, i treti.
Një garë për t’u harruar kjo për makinën Ferrari, pasi të dy pilotët e saj u renditën jashtë zonës së podiumit, në vendet 4-5, respektivisht me Sebastian Vettel dhe Charles Leclerc.
⚫️⚫️⚫️⚫️⚫️
?????A stellar start for Bottas, and a bumpy ride for Ricciardo
Re-live the moment the 2019 season roared into life ?️#AusGP ?? #F1 pic.twitter.com/JDU7umozCT
— Formula 1 (@F1) March 17, 2019
Por ajo që shqetëson më shumë është diferenca prej 30 sekondash që dy makinat “kokëkuqe” kishin karshi Mercedes në fundin e garës. Ferrari për asnjë moment nuk arriti të jetë i shpejtë dhe të duelojë për fitore, duke zhgënjyer.
Gara në përgjithësi ishte e mërzitshme, me pak parakalime dhe ku pilotët e kreut ruajtën pozicionet që pas startit të garës. Bottas bëri një garë të jashtëzakonshme, duke u shkëputur që në fillim, i pakapshëm edhe nga Hamilton.
