Franca dhe Gjermania po përgatiten për një Brexit pa marrëveshje.
Parisi po shqyrton qëndrimin që do të mbajë, ndërsa Berlini po shqyrton zinxhirët e furnizimit mjekësor me Mbretërinë e Bashkuar.
Kryeministri Édouard Philippe tha të hënën se Franca shpreson se Britania do të arrijë një marrëveshje me Bashkimin Evropian në daljen e saj nga blloku, por se Parisi do të jetë gati në rast të kësaj shkëputje.
Gjermania po bën gjithashtu përgatitje, në mënyrë specifike duke hetuar nëse BE pas Brexit mund të shihte mungesa të barnave kryesore që i marrin nga Britania.
Macron dhe Merkel do të takohen. Presidenti francez Emmanuel Macron do të takohet me kancelaren gjermane Angela Merkel në fillim të shtatorit, pasi një marrëveshje me Londrën ende duket të jetë një perspektivë e largët.
Në një takim të qeverisë në Paris që u mbajt për të diskutuar Brexit, kryeministri i detyroi ministrat të përgatisnin masat që do të ishin të nevojshme për të zbutur vështirësitë që lidhen me këtë sfidë të pashembullt.
Masat do të përfshijnë çështjen e shtetasve të Britanisë së Madhe që jetojnë në Francë dhe sigurimin e kontrolleve të kufizuara kufitare, tha zyra e kryeministrit.
Rreth 150,000 qytetarë britanikë që jetojnë në Francë po inkurajohen në mënyrë aktive nga qeveria e Macron për të aplikuar për leje qëndrimi për të shmangur kaosin administrativ pas Brexit. Qeveria do të paraqesë propozimet e saj konkrete në parlament në javët e ardhshme.
Rregullatori i barnave të BE, Agjencia Europiane e Medicinave (EMA), tha të mërkurën se ai dhe rregullatorët kombëtarë kishin ngritur një grup pune për të minimizuar ndërprerjet e furnizimeve që mund të lindin për ndonjë arsye gjatë dy viteve të ardhshme. “Dalja e Mbretërisë së Bashkuar nga BE gjithashtu ka gjasa të ndikojë në disponueshmërinë e ilaçeve në BE” tha ajo. Qeveria gjermane ka kërkuar që prodhuesit të shqyrtojnë zinxhirët e tyre të furnizimit për të parë nëse mund të shkaktohet mungesë e barnave esenciale nëse Britania do të largohet nga BE pa marrëveshje.
Ky sektor është një nga më të prekshmit ndaj vendimit të Britanisë për të lënë BE-në. Më shumë se 2.600 barna prodhohen në Britani dhe 45 milionë paketa shpërndahen nga Britania e Madhe në vendet e tjera evropiane çdo muaj.
Disa kompani, duke përfshirë AstraZeneca, Sanofi të Francës dhe Novartis kanë njoftuar se po planifikojnë të rrisin rezervat.
Për 3.7 milionë njerëz me diabet në Mbretërinë e Bashkuar, Agjencia Rregullatore e Produkteve të Medicinave dhe të Shëndetësisë ka paralajmëruar se insulina importohet nga Britania e Madhe. Sanofi, një furnizues i madh në Britani të Madhe të insulinës, ka njoftuar tashmë se po rrit rezervat e saj për katër javë për t’i dhënë asaj një furnizim 14 javësh të ilaçeve.
Pavarësisht nga hapat që po merren, drejtori i përgjithshëm i Organizatës Botërore të Tregtisë Roberto Azevedo paralajmëroi javën e kaluar se Britania e Madhe rrezikon ndërprerjen e tregtisë në rast të një Brexit pa marrëveshje, sepse është “shumë e vështirë” të bjerë dakord me tarifat dhe kuotat me OBT-në.
