Mëngjesin e sotëm Partia Socialiste ka zhvilluar mbledhjen e grupit parlamentar.
Mësohet se mbledhja është drejtuar nga kryeministri Rama, i cili ka bërë thirrje për pjesëmarrje maksimale në Kongresin e PS-së më 23 mars.
Gjithashtu kreu i ekzekutivit është ndalur edhe në disa porosi për deputetët e mazhorancës në lidhje me seancën plenare të së enjtes.
“Në seancat parlamentare flisni të gjithë, jemi në normalitet parlamentar. Nisni diskutimet nëpër bashki për kandidatët për Këshill Bashkiak. Në fund në listë duhet të vendosim njerëzit me kontribute”, mësohet të ketë thënë Rama.
Gjithashtu në lidhje me Kodin Penal për dhunën në futboll, Rama i ka kërkuar deputetes Klotilda Ferhati pjesë e komisionit të ligjeve të përgatisin ashpërsimet për këtë kod.
