Pas thirrjes së Komisionit Qendror të Zgjedhjeve që partitë të dorëzonin listën e anëtarëve të KZAZ-ve brenda ditës së sotme, Partia Socialiste ka dorëzuar të gjithë emrat e saj.
Përmes zëdhënëses, Drilona Hoxha, KQZ u shpreh më parë se mosrespektimi i afateve ligjore nga partitë politike cenon procesin zgjedhor si dhe tregon një mungesë të qartë papërgjegjshmërie nga subjektet partiake.
Kështu, Partia Socialiste bëhet e para nga subjektet partiake e cila respekton afatin kohor duke zbatuar me korrektësi thirrjen e bërë nga Komisioni Qendror i Zgjedhjeve, ndërsa ajo që nuk dihet ende, ka të bëjë me vendimin e opozitës shqiptare e cila vijon betejën jashtë Kuvendit duke kërkuar zgjedhje të parakohshme dhe krijimin e një qeverie tranzitore, me kushtin që Rama të mos jetë kryeministër.
