20.03.2019 - 10:42
Dy persona janë plagosur si pasojë e një aksidenti mëngjesin sotëm në qytetin e Korçës.
Mësohet se dy makina janë përplasur me njëra-tjetrën pranë shkollës greke dhe të plagosura kanë mbetur nënë e bijë.
Ato janë transportuar për në spitalin e qytetit për ndihmë mjekësore. Të dyja ndodhen jashtë rrezikut për jetën.
Ndërkohë policia ndodhet në vendngjarje dhe ka nisur hetimet për zbardhjen e plotë të shkaqeve dhe rrethanave të ngjarjes.
