28.03.2019 - 14:44
Teksa mbajtën një konferencë të përbashkët për shtyp, ministri hollandez, Ferdinand Grapperhaus i cili ndodhet në Tiranë për një vizitë zyrtare i cilësoi protestat si një element të rëndësishëm të demokracisë.
Gjithashtu ai shprehu keqardhje për vendimin e opozitës për djegien e mandateve.
“Më vjen keq që opozita ka marrë vendim të djegë mandatet. Dalja nga Kuvendi nuk është mënyrë për zgjidhjen e problemeve në mënyrë demokratike. Kuvendi është forumi ku duhen trajtuar çështjet kritike për vendin dhe është baza, themeli i çdo demokracie”, ka thënë ai.
