Edhe pas 22 vitesh nga tragjedia e Otrantos familjarët e viktimave përsërisin apelin për drejtësi.
Teksa përkujtuan jetët e humbura duke hedhur buqeta me lule në det, familjarët apelojnë për ndihmë nga shteti për të marrë dëmshpërblimet.
‘Duam drejtësi’ – Është kjo lutja që bëjnë familjarët e vikitmave edhe pasi kanë kaluar 22 vite nga tragjedia e Otrantos. Me lot dhe buqeta me lule hedhur në det familjarët përkujtuan edhe këtë vit 81 viktimat e tragjedisë, nga të cilët 24 të zhdukur.
Teksa kanë përsëritur thirrjet për drejtësi familjarët e viktimave kërkojnë dëmshpërblimin që nuk e kanë marrë ende edhe pse kanë kaluar plot 22 vite.
Në kanalin e Otrantos në 28 marsin e vitit 1997, jeta e 115 personave u trondit pasi anija ” Kateri Radës” që udhëtonte drejt Italisë u përplas në Detin Adriatik.
57 persona u gjetën të pajetë, 34 mbijetuan, ndërsa 24 të tjerë rezultojnë ende të zhdukur.
