02.04.2019 - 12:33
Policia e Kukësit ka parandaluar një sulm të mundshëm me armë ndaj drejtorit të ALUIZNI-t në këtë qytet.
Në pranga u vu një 40-vjeçar i identifikuar si Petrit Hallaçi, i cili pas një përplasje për shkak të detyrës ka kërcënuar drejtorin e ALUIZNI-t, Vladimir Spahiu.
Pas debateve verbale, 40 vjeçari ka shkuar në banesë dhe është rikthyer aty me një armë gjahu të cilën e posedonte me leje.
Ai ka kërcënuar me vrasje zyrtarin e shtetit, por ndërhyrja në kohë e policisë shmangu pasojat dhe vuri në pranga autorin.
Materialet për veprime të mëtejshme i kaluan Prokurorisë së Rrethit Gjyqësor Kukës për veprat penale “Kanosja për shkak të detyrës” dhe “Prishja e qetësisë publike”.
