Fustani i nusërisë së Meghan Markle ishte ndër fustanet më të përfolur të dasmave mbretërore, ashtu si edhe ai i Kate në vitin 2011.
Përgjithësisht dasmat mbretërore nuk kalojnë asnjëherë pa vëmendje dhe revista e njohur franceze “Point de Vue” duke përmbledhur dasmat e viteve të fundit, ka realizuar një votim për sa u përket fustaneve të nusërisë.
Mes fustaneve të Kate, Meghan dhe shumë nuseve të tjera mbretërore, renditet edhe ai i Elia Zaharia Zogut.
Këtë gjë e ka bërë të ditur vetë princesha Elia në një postim në Facebook.
“Sondazh në revistën Point de Vue! Kush është fustani i nusërisë që ju pëlqen më shumë? Janë fustanet e dasmave më të njohura mbretërore, por unë mendoj që Blerina Kllokoqi Rugova meriton ta mbështesim për talentin dhe përkushtimin e jashtëzakonshëm të saj! Mjafton të klikoni mbi foton e fustanit tuaj të preferuar”, -ka shkruar Elia përkrah sondazhit.
Deri më tani Elia kryeson me 59% të votave duke lënë pas Victoria-n e Suedisë me 11% Alina-n e Rumanisë me 8%, Kate-in me 3% dhe Meghan-in me 2%.
Linku i sondazhit nga revista franceze “Point de Vue”
VAZHDO TË LEXOSH MË TEPËR PËR TEMËN
