“Ambasada ka punuar me shkollat në projektin për parandalimin e ekstremizmit të dhunshmë”, kështu u shpreh e ngarkuara me punë e Ambasadës së SHBA në Tiranë Leyla Moses-Ones.
Moses-Ones tha se ambasada ka gjetur mbështetjen e qeverisë shqiptare, organizatave fetare dhe civile në drejtim të parandalimit të dhunës dhe terrorizmit.
“Gjatë programit pilot në shkolla, është rritur ndërgjegjësimi për të shmangur ekstremizmin e dhunshëm.
Projekti i parë kundër ekstremizmit u mbajt në Shtëpinë e Bardhë në vitin 2015, ndërsa më vonë një samit për këtë temë u mbajt në Tiranë.
Liderët politikë shqiptarë dhe në Ballkan vunë në dukje se ekstremizmi dhe terrorizmi duhet luftuar.
Shkolla si një qendër komunitare ka shërbyer për të promovuar paqen dhe jo dhunën. Strategjia ka bërë që edhe aktorët vendas të ndërgjegjësohen për të trajtuar këtë fenomen.
Të gjithë aktorët e kuptojnë se parandalimi i ekstremizmit ka një rëndësi të jashtëzakonshme. Në këtë projekt kanë marrë pjesë qytetarë, por edhe organizata fetare.
Këto projekte ndihmojnë qytetarët që të mos priren nga dhuna.”, deklaroi e ngarkuara me punë e Ambasadës së SHBA në Tiranë Leyla Moses-Ones.
VAZHDO TË LEXOSH MË TEPËR PËR TEMËN
SHBA: Kërkojmë ministri të Brendshme pa ndikim politik
Zgjidhet KLP/ Ambasada Amerikane: Koha për të bërë historinë!
