19.06.2019 - 20:51
Militantë të opozitës janë përplasur fizikisht me efektivët e Policisë në qytetin e Kavajës.
Për të frenuar qytetarët, Policia e Shtetit ka hedhur gaz lotsjellës, spraj dhe ujë me presion në drejtim të qytetarëve.
Përplasja mes policisë vijon edhe në këto momente, ndërsa militantët tentuan të shpërthejnë me forcë derën e KZAZ, aty ku ndodhen edhe materialet zgjedhore.
Përplasje janë shënuar edhe paraditen e sotëm në disa qytete, si në Kukës, Burrel dhe Klos, ndërsa nuk kanë munguar as arrestimet për disa qytetarë.
Më herët ka qenë prezenca e OSBE në Shqipëri që ka dënuar aktet e dhunës, ndërsa tha se organizatorët e saj në disa KZAZ duhet të përballen me ligjin.
