Këtë të diel, moti paraqitet me kthjellime në pjesën më të madhe të vendit deri në mesditë, ndërsa në veri herë pas-here do të ketë kalime vranësirash.
Pas mesditës parashikohet shtim i vranësirave në ekstremin verior duke sjellë shira afat-shkurtër.
Por sërisht mbrëmja përmirëson kushtet e motit edhe në këto zona, duke bërë që kthjellimet të mbizotërojnë në të gjithë Shqipërinë.
Temperaturat e ajrit nuk pësojnë ndryshime në mëngjes por rënie sjellin orët e mesditës duke luhatur vlerat minimale dhe maksimale ditore nga 19°C deri në 36°C. Era do të fryjë mesatare, me shpejtësi 50 km/h nga drejtimi Jugor-Jugperëndimor duke krijuar në det dallgëzim 3-4 ballë.
E hëna do të paraqitet me kthjellime dhe vranësira kalimtare, ku më të dukshme vranësirat do të jenë në zonat malore.
Megjithatë, mesdita dhe pasditja shtojnë vranësirat në këto zonat duke sjellë rrebeshe shiu dhe stuhi afat-shkurtra breshëri.
Temperaturat e ajrit do të pësojnë rënie në mëngjes dhe mesditë ndërsa vlerat minimale dhe maksimale ditore luhaten nga 17°C deri në 35°C.
