Suedezët këndojnë shqip: “Xhamadani vija vija”

Ishte hera e dytë që grupi suedez i rrokut, “Madman’s Choice”, ishte në Kosovë dhe për këtë patën një surprizë mjaft të bukur për publikun.

Në Rahovec u mbaj “Hardh Fest” ku mes shumë këngëtarëve të tjerë shqiptarë, mori pjesë edhe grupi nga Suedia.

Në shesh ishin me mijëra vetë, por entuziazmi mes tyre nuk ishte shumë i madh, deri në momentin kur vokalisti i grup u shpreh se kishte një surprizë për publikun si mirënjohje për ftesën e dytë për të vizituar Kosovën.

Momentet e parë ndoshta askush se kuptoi se për çfarë bëhej fjalë, por më pas kur nisën notat e para të “Xhamadani vija vija” entuziazmi pushtoi turmën dhe vokalisti “nuk kishte më nevojë” të këndonte pasi këtë e bënin të pranishmit!

Ndoshta këto ishin edhe momentet më të bukura, jo vetëm për të pranishmit në koncert, por edhe për vetë grupin nga Suedia.