Armando Sadiku, “Ferrari me gomë të shpuar!”

“Jam një Ferrari!”

Një fjali embelatike, ndoshta e thënë në moment euforie, ndoshta e thënë edhe duke menduar se realisht potenciali i tij ishte i madh.

Aq sa për të çarë edhe në ligat më prestigjoze, por ndoshta kishte harruar një fakt Armando Sadiku: në futbollin e sotëm, duhet të flasësh më vepra!

Kështu, dimensioni i tij vazhdon të jetë ai i një futbollisti që luan në Zvicër dhe kaq.

Te Levante, ky sezon duhet të ishte ose duhet të jetë kurorëzimi i madh, por trajneri e ka nxjerrë jashtë skuadre dhe stërvitet i veçuar bashkë me lojtarë të tjerë, që nuk janë në planet e klubit.

Parashikohet një tjetër huazim, për një “Ferrari” që ndoshta vazhdon të ecë me goma të shpuara.