Rreth 300 tifozë e përshëndetën me ovacione Romelu Lukaku, ndërsa sulmuesi belg arriti në Milano brenda natës së kaluar, për të zyrtarizuar transferimin 80 milionë eurosh nga Manchester United tek Interi.
Sot do të kryejë testet mjekësore dhe pritet të nënshkruajë një marrëveshje 5-vjeçare me zikaltrit, ndërsa këta të fundit do paguajnë diçka më pak sesa “Djajtë e Kuq” e blenë tek Everton, dy vite më parë.
Ndërkohë, Manchester United është përsëri në bisedime për të nënshkruar me Mario Mandzukic nga Juventusi, si zëvendësues për Lukaku, njofton “Sky” në Itali.
“Segna a Torino, Lukaku segna a Torino!” ?
Tifosi dell’Inter già pazzi dell’acquisto più atteso dell’estate, arrivato a Milano nella notte… ?⚫️? pic.twitter.com/3fzLzzoaiF
— Eurosport IT (@Eurosport_IT) August 8, 2019
Të mërkurën në mbrëmje, agjenti i Lukakut, Federico Pastorello, postoi një foto të vetes në Instagram dhe të sulmuesit në një avion privat, me statusin:
“Gati për të nisur… me drejtim Milanon”. Vendndodhja e vendosur në postim ishte aeroporti i Brukselit. Pastorello kishte qenë në Angli për bisedime vendimtare me Manchester United, ndërsa klienti i tij ishte në Belgjikë, duke u stërvitur me ish-klubin, Anderlecht.
Lukaku është i prirur të largohej nga “Old Trafford” në këtë merkato, pasi nuk ka luajtur asnjë minutë në fazën parasezonale për skuadrën e Ole Gunnar Solskjaer.
Belgu ndiente se po trajtohej padrejtësisht nga trajneri norvegjez, që kur e humbi vendin e tij në formacion, ndërkohë që nga ana tjetër është Antonio Conte që e ka dashur prej kohësh belgun.
