480 pes – Persianët mundin Leonidën e Spartës në Betejën e Thermopileve. Leonida, i vetëdijshëm se forcat e tij gjithsesi ishin shumë më pak në numër, largoi forcat kryesore dhe mbajti vetëm 300 spartanë, 700 thespianë dhe 400 tebanë, shumica e të cilëve u vranë. Shpesh është thënë se Beteja e Thermopileve ishte një fitore si e Pirros për persianët, të cilët u demoralizuan kur u ndeshën me trimërinë e spartanëve.
48 pes – Lufta civile e Cezarit: Beteja e Pharsalus (në Thesali) – Pas fitores së diskutueshme në Durrës, Jul Cezari e ndoqi Pompein (ata kishin muaj që ndiqnin njëri tjetrin) – Pompei komandonte ushtrinë e Senatit – dy herë më e madhe në numër se ajo e Cezarit. Strategjia e Pompeit ishte rrethimi derisa Cezari të dorëzohej nga mungesa e furnizimeve. Por presioni nga senatorët dhe nga oficerët e tij, e shtyu Pompein të sulmonte drejtpërdrejt, dhe kjo solli disfatën e tij – përfundimisht, ushtria u shpartallua, Pompei iku duke u maskuar si ushtar i thjeshtë, dhe u hodh në Egjipt.
681 – Bullgarët themelojnë vendbanimin e tyre në jug të Danubit, pasi mundën ushtritë bizantine të Perandorit Konstantin IV.
1173 – Fillon ndërtimi i Kullës së Pizës – u deshën dy shekuj për ta përfunduar – sot kulla është e anuar, por qëndron, nuk dihet edhe për sa kohë.
1483 – Hapet Kishëza Sistine (anglisht: Sistine Chapel, italisht: Cappella Sistina) një kishëz e njohur e Pallatit Apostolik, rezidencë zyrtare e Papës në Vatikan. Fillimisht u quajt Cappella Magna (e madhe) – pastaj mori emrin Kishëza Sistinë. Disa thonë për nder Papa Sixtus, që dha urdhër për ndërtimin e saj, por ‘Sistine’ duket se u referohet mureve të brendshme; ‘të sheshta’, të suvatuara.
1638 – Holandezi Jonas Bronck bëhet koloni i parë evropian në atë që sot mban emrin e tij, Bronx, qytezë a lagje e qytetit Nju Jork.
1792 – Asambleja franceze bën thirrje për revolucion dhe për rrëzimin e mbretit Luigj XVI. Të nesërmen, më 10 gusht, turmat pariziane hynë me dhunë në Pallatin Tuileries – kapën mbretin, duke masakruar Rojet e tij zvicerane.
1803 – Kuaj e parë arrijnë në ishullin Hawaii me nje anije amerikane.
1945 – “Fat Man”, një bombë plutoniumi e vendosur në aeroplanin bombardues amerikan B-29, Bockscar, ishte planifikuar për t‘u lëshuar nga ajri në qytetin japonez Kokura – tre ditë pasi Shteteve e Bashkuara kishin hedhur një bombë atomike shkatërruese në Hiroshima. Moti ishte i vrenjtur dhe shikueshmëria e dobët, kështu piloti zgjodhi objektivin më të afërt, Nagasakin. Bomba “Fat Man” shkatërroi më shumë se gjysmën e Nagasakit dhe vrau 74.000 njerëz, duke shënuar fundin e Luftës së Dytë Botërore – Japonia u dorëzua pa kushte të nesërmen.
