Fermerët e Shkodrës të cilët u përmbytën në këtë fillim viti, akoma nuk kanë marrë asnjë para të demshpërblimeve që premtoi qeveria. Bashkia e Shkodrës ka hedhur akuza ndaj pushtetit qëndror për shpërfillje të këtij qyteti dhe banorëve të saj.
Numri dy i bashkisë, Arben Gjuraj tregon se nga prefektura tek kryeministria, raporti i dëmeve të përmbytjeve ka shkuar i detajuar, por nuk kanë marrë asnjë pergjigje:
“Raporti është dërguar i plotë në të gjitha ministritë dhe zyrën e kryeministrit. Dëmi është shumë i madh dhe ka shkaktuar pasoja të medha tek banorët. Për këtë vit, ata kanë frikë edhe të mbjellin pasi rrezikohen sërish nga përmbytjet dhe atëherë do të ishte një shkatërrim i madh ekonomik. Në total janë 3 miliardë lekë dëme dhe qeveria duhet të dëmshpërblejë këta banorë. Ne i bëjmë thirrje që kryeministri të ktheje kokën edhe nga Shkodra”
Gjatë përmbytjeve të vitit 2018, mijëra hektarë tokë bujqësore u shkatërruan, dhjetra familje u evakuan ndërsa një numer i madh banesash kishin prezencë uji.
Përgati: K.Zh.
