43.2% e bizneseve të kontrolluara kanë rezultuar me shkelje. Administrata tatimore thekson se një ndër shkeljet kryesore vijon të mbetet moslëshimi i kuponit tatimor.Ndërkohë në sektorin e hidrokarbureve i është vënë shiriti i bllokimit të aktivitetit 3 subjekteve.
Bizneset shqiptare vijojnë të mos lëshojnë kupon tatimor, pavarësisht aksionit anti-informalitet.
Nga kontrollet e realizuara në dy muaj, administrata tatimore ka konstatuar se 43.2 % e subjekteve janë me shkelje, midis të cilave kryesore mbetet moslëshimi i kuponit.
Përgjegjësi i sektorit të monitorimit në terren, Eduart Aliaj, thekson se 39 subjekte janë bllokuar për moslëshimin e kuponit tatimor për herë të dytë.
”Gjatë periudhës 4 korrik-27 gusht janë kryer 4.018 kontrolle nga të cilat janë konstatuar 1,736 shkelje të legjislacionit tatimor. 456 tatimpagues janë penalizuar për moslëshim të kuptonit tatimor rasti i parë dhe 39 subjekje rast i përsëritur për të cilat merret dhe masa e bllokimit të aktivitetit 30 ditë kalendarike me shirita.”- tha Eduart Aliaj
Aktualisht kontrollet janë fokusuar në sektorin e hidrokarbureve, ku numri i subjekteve të kapura me shkelje është më i vogël.
”538 kontrolle në subjekte të fushës së hidrokarbureve ku janë konstatuar 12 subjekte që kanë shkelur legjislacionin tatimor, 3 prej të cilave kanë kryer shitje në regjim manual dhe është marrë masa e bllokimit të shitjeve.”- shtoi ai.
Administrata tatimore thekson se aksioni antiinformalitet do të vijojë të përqëndrohet në bregdet dhe në sektorin e karburanteve.
Aksioni 4 Korrik – 27 Gusht
4.018 Kontrolle gjithsej
1,736 Shkelje të ligjit
