12.09.2019 - 14:26
Almeda Abazi përpos një bashkëshorte e përkushtuar, është edhe shumë suportuese në karrierën e Tolgahanit. Ky i fundit është rikthyer në ekranin turk këtë sezon me një serial të ri dhe prej disa ditësh Almeda ka bërë postime ku i uronte suksese bashkëshortit.
Mirëpo së fundmi bukuroshja shqiptare ka postuar një foto ku Tolga shihet me njolla në trup dhe shkruan: “Dakort, thamë boks, thamë serial, thamë atë e këtë, pranuam. Po kjo çfarë është? Në çfarë gjendje ma sollët burrin?”.
Megjithatë Almeda ka qenë duke bërë humor sepse njollat janë për rolin e ri të Tolgës në serialin “Kampion”. Në këtë serial në episodin e parë do luajë edhe djali i çiftit, Efehan.
