Zv/ministri i Brendshëm, Julian Hodaj tha se kush përjashtohet nga Policia e Shtetit nuk kthehet më.
Gjatë një konference për mediat për ecurinë e Vettingut në Polici u shpreh se procesi duhet të kryhet me shpejtësi dhe cilësi.
“Sipas legjislacionit të Shqipërisë, çdo punonjës i shtetit është i detyruar që në momentin që haset me potencialisht kryerjen e një vepre penale duhet të bëjë një kallëzim për këtë qëllim.
Pra në të gjitha rastet kur Komisioni i Jashtëm i vlerësimit apo SHÇBA nesër do të konstatojë se mund të jenë konsumuar një vepër penale qoftë kur verifikohet pasuria apo integriteti është i detyruar të bëjë kallëzim penal.
Sanksioni për mospërmbushje të kritereve të vlerësimit kalimtar apo vettingut është përjashtuar nga policia e shtetit. Sipas ligjeve kush përjashtohet nga Policia e Shtetit nuk kthehet më në Policinë e Shtetit.”
