“Me Listën Serbe, mund të zgjidhim problemin e serbëve”

Zëvendësministri për Komunitete dhe Kthim në detyrë, Milazim Gashi deklaroi se Lista Serbe ka nxjerrë jashtë loje subjektet tjera serbe të Kosovës.

Gashi tha në RTV Dukagjini se Lista Serbe nxorri jashtë loje pjesën dërmuese të partive serbe të Kosovës madje mori edhe malazezët dhe u fuqizua shumë.

Zëvendësministri për Komunitete për Kthim në detyrë deklaroi se nuk është mirë që Lista Serbe të mos jetë në qeveri, pasi sipas tij “nuk duhet të kthehet viti 1999 në veriun e Kosovës.

Nëse Lista serbe nuk futet në qeveri luftë ndoshta nuk bëhet por tensione do të ketë”.