Ambasadori i Bashkimit Evropian në Tiranë, Luigi Soreca, jep një mesazh të fortë sa i përket rrugës evropiane të Shqipërisë. Soreca shkruan në “Twitter” se angazhimi i BE për integrimin e Shqipërisë mbetet i palëkundur.
Ndër të tjera, kryediplomati iu bën thirrje autoriteteve shqiptare të vijojnë të përqendrohen në procesin e reformave, si e vetmja rrugë që do të çojmë Shqipërinë në destinacionin e saj.
“Angazhimi i BE për integrimin e Shqipërisë mbetet i palëkundur. BE do të vazhdojë të mbështesë fuqishëm rrugën evropiane të Shqipërisë, për të sjellë popullin shqiptar në familjen, që i përket. Autoritetet shqiptare duhet të vazhdojnë të përqendrohen në procesin e reformave, e vetmja rrugë që do ta çojë Shqipërinë drejt destinacionit të saj.
Jo për BE, por për Shqipërinë dhe për të gjithë qytetarët e saj, për përparimin e vendit drejt standardeve më të larta sa i përket demokracisë dhe ligjit”, shkruan kryediplomati i BE.
VAZHDO TË LEXOSH MË TEPËR PËR TEMËN
‘Çelja e negociatave’/ Bushati: Për të ardhur keq!
‘Faleminderit SHBA!’, Rama reagon pas deklaratave të DASH për negociatat
‘Mbështes hapjen e negociatave me Shqipërinë dhe Maqedoninë e Veriut’
