Kryetari i Grupit Parlamentar të Partisë Socialiste, Taulant Balla, ka reaguar pas publikimit të lajmit se Presidenti i Parlamentit Europian, David Sassoli, do të vizitojë Shqipërinë në fillim të muajit dhjetor.
Përmes një postimi në Twitter Balla shpreh mirënjohjen e tij për presidentin e Parlamentit Europian David Sassoli, i cili ka mbështetur fillimin e menjëhershëm të bisedimeve për anëtrësim të Shqipërisë dhe Maqedonisës së Veriut me Bashkimin Europian.
Sipas Ballës, Parlamenti Europian tregoi angazhim të plotë në vazhdimësinë e zgjerimit në BE me vendet Ballkanit Perëndimor.
“Parlamenti Europian tregoi angazhim të plotë në vazhdimësinë e zgjerimit në BE të Ballkanit Perëndimor.
Mirënjohës Presidentit të Parlamentit Europian për mbështetjen e tij në favor të fillimit të menjëhershëm të bisedimeve për anëtrësim të Shqipërisë dhe Maqedonisës së Veriut me Bashkimin Europian”, shkruan Balla.
