Manchester United ka mposhtur 2-1 Chelsea-n në 1/8-at e EFL Cup duke kaluar në çerekfinalen e kompeticionit. Ishte një ndeshje mjaft e bukur në Stamford Bridge, ku iu dha mundësia shumë të rinjve për të treguar aftësitë e tyre.
Marcus Rashford kaloi të tijtë në avantazh në minutën e 25. Sulmuesi anglez shënoi nga pika e bardhë e penalltisë. Chelsea barazoi pas pushimit me një gol të mrekullueshëm të Michy Batshuayi.
Sulmuesi belg ka vrapuar për rreth 40 metra përpara se të shënonte. Megjithatë, United rikthehet në avantazh pas golit të pabesueshëm të Rashford.
Sulmuesi i miqve ka lëshuar një raketë nga një distancë e largët dhe topi ka përfunduar në rrjetë pasi ka ndryshuar dy apo tri herë trajektoren sikur të ishte një tullumbac.
SHËNIM: Të gjitha rezultatet e ndeshjeve kryesore të ditës i gjeni në kohë reale, duke klikuar Konica.al në ballinën e rubrikës së sportit
