22.11.2019 - 11:08
Referuar të dhënave të INSTAT, vendi jonë ka njohur një disnivel në marrëdhëniet tregtare me Zvicrën.
Shifrat e importeve kanë shënuar rritje, por eksportet kanë rënë ndjeshëm.
Në periudhën janar-tetor të këtij viti, importet ishin në vlerën e 12.8 miliardë lekëve, duke njohur një rritje me 5.3 miliardë lekë krahasuar më të njëjtën periudhë të një viti më parë.
Ndërkohë, eksportet kanë njohur një rënie të konsiderueshme.
Në janar-tetor 2019, eksportet drejt Zvicrës ishin në nivelin e 780 milionë lekëve.
Nëse bëjmë një krahasim me periudhën e vitit të kaluar, eksportet në Zvicër ishin në nivelin e 2.8 miliardë lekëve.