Pasuria e kulturës së Korçës, përbën një nga vlerat në margaritarin e historisë dhe traditës së saj.
Pjesa më e madhe e këtij heritazhi përbëhet nga kishat, kryesisht 8 kishat e Voskopojës dhe ato të Vithkuqit. Për shkak të amortizimit, dëmtimin nga agjentët atmosferikë e shpesh herë të qenit objekt i akteve penale të vjedhjes , këto kisha kanë humbur një pjesë të vlerave të tyre historike e kulturore.
Drejtori i Drejtorisë Kombëtare të Kulturës Korçë, Gjergji Koki , ka bërë me dije se “Europa Nostra”, e themeluar më 26 Nëntor 1963 në Paris me qëllim kryesor mbrojtjen e trashëgimisë kryesore , ka qenë e pranishme në zonën e Voskopojës dhe Vithkuqit.
Ekspertët e huaj të kësaj organizate do të inspektojnë në kishat e Voskopojës dhe Vithkuqit , për të përcaktuar totalin e pjesëve të dëmtuara dhe masat që do të merren kryesisht për rehabilitimin e afreskëve dhe ikonave.
Ekspertët kanë parë nga afër punimet që po kryhen për restaurimin e një pjese të kishave dhe kanë dhënë opinionet e tyre mbi ndërhyrjet që janë bërë gjatë viteve të fundit që kanë pasur si qëllim ruajtjen edhe trashëgimin e këtyre pasurive me vlera universale.
Në përfundim të inspektimit, ekspertët do te japin edhe përshtypjet e tyre dhe do të dalin me plan-projekte për të përmirësuar gjendjen aktuale të kishave.
Qëllimi kryesor i kësaj pune dhe kontributi është ruajtja dhe transmetimi i vlerave të tilla tek e nesërmja e Korçës.
L.S
VAZHDO TË LEXOSH MË TEPËR PËR TEMËN
26 familje presin kompensimin për shpronësim
Brenda vitit nis puna për terminalin e ri
