Ministria e Financave dhe Ekonomisë (MFE) përmes një videoje informuese tregon procesin e aplikimit të posaçëm për plotësimin e formularit të vlerësimit të dëmeve në ndërtesa nga tërmeti i 26 nëntorit.
MFE bën të ditur se, aplikacioni i posaçëm për plotësimin e formularit të vlerësimit të dëmeve është sipas modeleve të Bashkimit Europian, Bankës Botërore dhe Organizatës së Kombeve të Bashkuara.
Aplikacioni kërkon plotësimin e disa të dhënave kryesore siç janë:
-Fotografim i objektit, çdo objekt fotografohet gjatë momentit të hedhjes së të dhënave;
-Koha e ndërtimit dhe tipologjia, përcaktohet periudha ndërtimore, ndërhyrjet dhe ndërtuesi;
-Struktura dhe materialet; sistemi konstruktiv, muratura, materialet e themelet;
-Shkalla e ndërtimit; përdorshmëria e objektit, niveli i dëmtimit në 5 shkallë të ndryshme.
Të gjitha këto të dhëna transmetohen në bazë qendrore të të dhënave, përpunohet i gjithë informacioni i mbledhur në terren nga grupet e inspektimit dhe saktësohen dëmtimet.
Aplikacioni i posaçëm i kalon të dhënat online në kohë reale.
VAZHDO TË LEXOSH MË TEPËR PËR TEMËN
Falen borxhet e dritave dhe ujit për banesat e prekura nga tërmeti
Sa do të paguhet për sigurimin e ndërtesave?
