Kryesia shqiptare e OSBE-së do të organizojë sot dhe nesër konferencën ndërkombëtare në lidhje me luftën kundër antisemitizmit.
Pjesëmarrës do të jenë delegacionet zyrtare nga vendet pjesëmarrëse të OSBE-së, përfaqësues të organizatave ndërkombëtare dhe të shoqërisë civile.
Në konferencë marrin pjesë edhe Rabini Andrew Baker, drejtor i Çështjeve Hebraike Ndërkombëtare në Komitetin Hebraik Amerikan. Shqipëria është kryesuesja e radhës e OSBE-së. Me 57 shtete pjesëmarrëse Organizata për Siguri dhe Bashkëpunim në Evropë (OSBE) është organizata më e madhe rajonale e sigurisë në botë.
OSBE-ja punon për stabilitet, paqe dhe demokraci për më shumë se një miliard njerëz, përmes dialogut politik për vlerat e përbashkëta dhe punës praktike që sjell ndryshim jetëgjatë.
