Në orën 7:40 trageti i linjës Bari-Durrës mbërriti në qytetin bregdetar shqiptarë, me 340 pasagjerë.
Në port qëndrojnë 7 mjekë të cilët paraprakisht kanë marrë një natë më parë nga autoriteti portual listën e pasagjerëve, në të cilën vërehet paraprakisht nëse ka të ardhur nga Kina apo dhe vende të tjera të prekura. Pikërisht tek këta persona fokusohet edhe kontrolli i mjekëve.
Pasi trageti hap portën, mjekët hyjnë brenda në traget dhe më termometër masin në distancë temperaturën e pasagjerëve. Mjekët kanë qëndruar brenda në traget rreth 15-20 minuta, më tej të gjithë pasagjerët kanë dalë jashtë. Kontrollet me termometër për të parë temperaturën, që është simptoma e parë që mund të lindë dyshime për të infektuar nga koronavisuri, fokusohen kryesisht tek personat që vijnë nga Kina, apo tek ata që ka informacione që mund të kenë shfaqur simptoma që të shtyjnë drejt koronavirusit.
Këtë mëngjes, mjekët, kanë qëndruar në distancë teksa pasagjerët dilnin nga trageti me aparaturën që mat temperaturën në largësi për shkak se ka sensorë që tregojnë rastet e dyshimta. Nga kontrollet e kryera ditën e sotme, nuk u identifikua asnjë pasagjer me simptoma të koronavirusit.
Në raste se do ketë pasagjerë të infektuar ata do të merren të shoqëruar me ambulancën e portit dhe dërgohen në dhomën e karantinës e cila është jashtë ambientit portual në zonën e “Vollgës”, për t’u kryer analiza më të detajuara.
VAZHDO TË LEXOSH MË TEPËR PËR TEMËN
Koronavirusi/ Autoriteti Portual i Durrësit qetëson qytetarët
Virusi/ Porti i Durrësit kalon në filtër kinezin
