Kolegji i Posaçëm i Apelimit shkarkon nga detyra anëtarin e Këshillit të Lartë të Prokurorisë Besnik Cani. Shkarkimi i tij erdhi pas ankimit të Komisionerit Publik me rekomandim të Operacionit Ndërkombëtar të Monitorimit. Besnik Cani kishte kërkuar më herët që procesi ndaj tij të pezullohej, pasi ai kishte kallëzuar penalisht dy anëtarë të KPA.
Ai u shkarkua nga detyra për mos deklarim të saktë të pasurisë. Më herët, Cani kishte kaluar vettingun në Komisionin e Pavarur të Kulifikimit. Besnik Cani ishte pjesë e Këshillit të Lartë të Prokurorisë, ndërkohë që tashmë KLP mbetet me dhjetë anëtarë. Kjo është hera e dytë që ky institucion mbetet me dhjetë anëtarë për shkak të shkarkimeve nga vettingu. Më herët e njëjta gjë ndodhi me ish-prokurorin Gentian Osmani, i cili ishte anëtar i KLP por u shkarkua nga vettingu.
VAZHDO TË LEXOSH MË TEPËR PËR TEMËN
